काठमाडौं । नेपाली कांग्रेसको १५औँ महाधिवेशनअन्तर्गत केन्द्रीय सदस्य आदिवासी जनजाति खुलातर्फको मतगणनामा तीर्थ लामा पहिलो स्थानमा रहेका छन् । १२ जना केन्द्रीय सदस्य निर्वाचित हुने यस समूहको मतगणनामा लामाले ८९० मत प्राप्त गरेका छन् ।
प्राप्त मतपरिणामअनुसार ई. अनुप श्रेष्ठ ५०८ मतसहित दोस्रो स्थानमा छन् । कर्मा छिरिङ शेर्पाले ५०० मत प्राप्त गर्दै तेस्रो स्थानमा रहँदा डा. प्रेमध्वज लामाले ४८१ मत पाएका छन् ।
त्यस्तै, टेकप्रसाद गुरुङले ४६८, भीम श्रीस मगरले ४२३, अमृत गुरुङ र बुद्ध लामाले समान ३९१ मत प्राप्त गरेका छन् । रामकृष्ण चित्रकारले ३८५, गेल्जे लामा (शेर्पा) ले ३७२, बंशलाल तामाङले ३६४ र सुशिल गुरुङले ३५० मत पाएका छन् ।
हालसम्म सार्वजनिक मतपरिणाममा पहिलो १२ स्थानमा रहेका उम्मेदवारमा तीर्थ लामा, ई. अनुप श्रेष्ठ, कर्मा छिरिङ शेर्पा, डा. प्रेमध्वज लामा, टेकप्रसाद गुरुङ, भीम श्रीस मगर, अमृत गुरुङ, बुद्ध लामा, रामकृष्ण चित्रकार, गेल्जे लामा (शेर्पा), बंशलाल तामाङ र सुशिल गुरुङ छन् । यद्यपि, अन्तिम परिणाम र निर्वाचित उम्मेदवारको आधिकारिक घोषणा निर्वाचन समितिले गर्नेछ ।
अन्य उम्मेदवारमध्ये छन्दबहादुर पहराई मगरले २९२, मिनबहादुर गुरुङले २७८, खडकबहादुर राना (केबी) ले २४०, टंकप्रसाद राई र युवराज गुरुङले समान २३३ तथा ललित सिंह बोहराले २३२ मत प्राप्त गरेका छन् ।
यस्तै, यज्ञराज चौधरीले २३०, कमल तामाङले २२५, रेशमलाल गुरुङले २२१, विष्णुकुमार राईले २१९, शम्भुलाल श्रेष्ठले २१८, प्रकाश महर्जन र वीर काजी राईले समान २१४, सरोज गुरुङले १९७ तथा विजय सम्बाहाम्फेले १९३ मत पाएका छन् ।
मनहरी श्रेष्ठ र मानबहादुर बुढा मगरले समान १८९, कृष्णनारायण श्रेष्ठले १८६, हरिश्चन्द्र श्रेष्ठले १८५, सानुकान्छा श्रेष्ठले १७०, सुरेशकुमार योद्धा (सुब्बा) ले १६२, पूर्णकुमार तुम्बापोले १५७, जितेन्द्र महर्जन (पारस) ले १५४ र सूर्यकुमार नेम्बाङले १४७ मत प्राप्त गरेका छन् ।
त्यसैगरी, रामकृष्ण लामाले १३३, सूर्यदेव दास उराँवले १२७, लालबहादुर जिसीले १२६, बुद्धिलाल श्रेष्ठले ९७ र रविन्द्रप्रसाद पनुहरले ७१ मत प्राप्त गरेका छन् ।
आदिवासी जनजाति खुलातर्फ १२ केन्द्रीय सदस्यका लागि प्रतिस्पर्धा भइरहेकाले मतगणनाको अन्तिम परिणामले निर्वाचित हुने उम्मेदवारको टुंगो लगाउनेछ ।
