काठमाडौं । प्रस्तावित प्रधानन्यायाधीश डा. मनोजकुमार शर्माले सर्वोच्चमा आफूले कुनै पनि रिट दर्ता रोक्न आदेश नदिएको बताएका छन् । रिट दर्ता बारे पूर्ण अधिकार प्रशासनलाई रहने उनको भनाइ छ ।
संसदीय सुनवाइ समितिमा उठेका प्रश्नको जवाफ दिँदै उनले भने, ‘रिट दर्ता र दरपिटको विषयमा प्रशासन नै पूर्ण जिम्मेवार र स्वतन्त्र रहेको अवस्था छ । प्रशासनबाट विवेक प्रयोग गरेर नै भएको होला । यसमा थप टिप्पणी गर्न चाहिन ।’
अहिले बार र बेन्चबीच कुनै पनि समस्या रहेको जस्तो आफूलाई नलागेको शर्माले बताए ।
उनले भने, ‘अहिले त्यो स्थिति भएको जस्तो लाग्दैन । प्रशासनबाट केही भयो भन्ने कुरा बारका साथीहरुले उठाइरहनुभएको छ । बार र अदालत प्रशासनको बीचमा केही यसो वातावरण नमिलेको भन्ने देखिन्छ ।’
