काठमाडौँ । कानुन व्यवसायीहरूले सर्वोच्च अदालत परिसरमा लालटिन बालेर विरोध प्रदर्शन गरेका छन् ।
नेपाल बार एसोसिएसनको अगुवाइमा गरिएको उक्त प्रदर्शन अदालतभित्र विकसित पछिल्ला घटनाक्रमप्रति सांकेतिक असन्तुष्टि जनाउने उद्देश्यले आयोजना गरिएको हो ।
बार एसोसिएसनले अदालतमा रिट निवेदनसमेत दर्ता हुन नसक्ने अवस्था सिर्जना भएको निष्कर्ष निकाल्दै विरोध कार्यक्रम गर्ने निर्णय गरेको थियो ।
सोही निर्णयअनुसार मंगलबार दिउँसो नेपाल बारको कार्यालय परिसरमा कानुन व्यवसायीहरूले लालटिन बालेर प्रदर्शन गरेका हुन् । प्रदर्शनमार्फत न्यायिक प्रक्रियामा देखिएको अवरोधप्रति ध्यानाकर्षण गराउने प्रयास गरिएको सहभागीहरूले बताएका छन् ।
बारले उक्त कार्यक्रमलाई सत्य र न्यायको पक्षमा गरिएको सांकेतिक अभिव्यक्तिका रूपमा प्रस्तुत गरेको छ ।
