खिलतपुर (दाङ), २० श्रावण । दाङ जिल्लाको शान्तिनगर गाउँपालिका-१ हाँडिचारमा आज साँझ जीप दुर्घटना भएको छ ।
तुलसीपुरबाट सल्यान तर्फ जाँदै गरेको रा १ ज ७७० नम्बरको जिप आइतबार (आज) बेलुका ७:३० सडकबाट पल्टिएर दुर्घटना भएको हो ।
उक्त दुर्घटनामा सातजना घाइते भएको इलाका प्रहरी कार्यालय खिलतपुरले जनाएको छ ।
दुर्घटनामा सल्यान त्रिबेणी गाउँपालिका-३ टोट्के बस्ने ४६ वर्षको को यम बहादुर के.सी, ४६ वर्षकी ऐश्वर्य के.सी., सोही उमेरकी पार्वती के.सी., ३५ वर्षकी रेखा ओली घाइते भएका छन् ।
घाइतेमध्ये यम बहादुरको अवस्था गम्भिर रहेको जिल्ला प्रहरी कार्यालय दाङका प्रवक्ता डिएसपी राम प्रसाद तिमल्सिनाले जानकारी दिए । घाइते भएका ऐश्वर्य र पार्वतीको अवस्था भने मध्यम रहेको उनले बताए ।
अन्य घाइतेमा रुकुम पश्चिम त्रीबेणी गाउँपालिका-३ बस्ने बर्ष २५ कि सरिता खड्का र बर्ष ३१ कि रोजिका ओली, लमजुङ मध्यनेपाल नगरपालिका-७ घर भएकी बर्ष २४ कि लिला बास्तोला रहेका छन् ।
उनीहरूको अवस्था सामान्य रहेको प्रहरीले जनाएको छ ।
घाइतेहरूलाई उपचारको लागि राप्ती प्रादेशिक अस्पताल तुलसीपुर दाङ लगिएको छ भने दुर्घटनापश्चात फरार चालकको खोजी भइरहेको डिएसपी तिमल्सिनाले बताए ।
