गौर (रौतहट), २० साउन । जिल्लाको गढीमाई-१ बाट आज प्रहरीले कटुवा पेस्तालसहित एक व्यक्तिलाई पक्राउ गरेको छ ।
पक्राउ पर्नेमा गढीमाई-१ समनपुर बस्ने अन्दाजी ५१ वर्षको बिरेन्द्र राउत रहेको रौतहट प्रहरी प्रवक्ता डिएसपी एलिजा गिरीले जानकारी दिइन् ।
डिएसपी गिरीका अनुसार आज दिउँसो ५:२० बजे इलाका प्रहरी कार्यालय गरुडाबाट खटिएको टोलीले राउत बस्ने घरको आगँनमा झारपातले झोपेर राखेको अवस्थामा कटुवा पेस्तोल बरामद गरिएको हो ।
पेस्तोल बरामद भएसँगै राउतलाई नियन्त्रणमा लिएर अनुसन्धान सुरु गरिएको जिल्ला प्रहरी कार्यालय रौतहटले जारी गरेको प्रेस विज्ञप्तीमा उल्लेख छ ।
