काठमाडौँ, १२ भाद्र । नेकपा एकीकृत समाजवादीको महिला उपाध्यक्षमा जयन्ती देवी राई निर्वाचित भएकी छन् ।
राईले रामकुमारी झाँक्रीलाई पराजित गरेकी हुन् ।
हालसम्मको मतगणनाअनुसार राईले १५७ मत पाएकी छन् भने झाँक्रीले ८२ मत प्राप्त गरेकी छन् । गणना हुन बाँकी मतभन्दा राईको अग्रता बढी भएपछि उनी विजयी हुने निश्चित भएको हो ।
राई यस अघि पनि एकीकृत समाजवादीको उपाध्यक्ष नै थिइन् । मतगणनाको अन्तिम परिणाम भने आइसकेको छैन ।
