काठमाडौं । युट्युवर मनोज मानव (मनोज कुमार महतो) पक्राउ परेका छन् । सामाजिक सञ्जालमार्फत महिलाको चरित्र हत्या गरेको आरोपमा मनोजलाई पक्राउ गरिएको साइबर ब्युरोले जनाएको छ ।
उनलाई प्रहरीले बुधबार साँझ काठमाडौंको कीर्तिपुरबाट पक्राउ गरेको हो।
मनोज ‘स्टार अनलाइन’ टिभीका सञ्चालक हुन् । मनोज भाइरल हुने नाममा विभिन्न व्यक्तिको चरित्र हत्या गर्ने गरी सामग्री प्रसारण गर्दै आएको आरोप लागेको छ ।
‘एकजना महिलाले टिकटक र फेसबुक मार्फत चरित्र हत्या गरेर आफ्नो बेइज्जत गरेको भन्ने उजुरी दिनुभएको छ,’ ब्युरोका प्रवक्ता प्रहरी उपरीक्षक पशुपतिकुमार रायले भने, ‘त्यही उजुरीका आधारमा कीर्तिपुरबाट पक्राउ गरेर उहाँमाथि अनुसन्धान गरिरहेका छौं।’
सिरहा लहान नगरपालिका घर भएका उनी काठमाडौंमा बसेर ‘स्टार अनलाइन’ नामक युट्युव च्यानल सञ्चालन गर्दै आइरहेका थिए ।
उनीमाथि विद्युतीय कारोबार ऐन, २०६३ बमोजिमको कसुरमा काठमाडौं जिल्ला अदालतबाट हिजोको मितिदेखि सात दिन म्याद थप गरेर अनुसन्धान भइरहेको व्युरोले जारी गरेको विज्ञप्तीमा उल्लेख छ ।