काठमाडौं । आज बिहान धादिङ केन्द्रबिन्दु भएर ६ दशमलव १ रेक्टरस्केलको भूकम्प गएको छ ।

राष्ट्रिय भूकम्प मापन केन्द्रका अनुसार आज बिहान ७ बजेर ३९ मिनेटमा धादिङको खरी आसपास केन्द्रबिन्दु भएर ६ दशमलव १ रेक्टरस्केलको भूकम्प गएको हो ।

उक्त भूकम्पपछि त्यस क्षेत्रमा लगातारजसो परकम्प गइरहेका स्थानीयबासीले बताएका छन्।

बिहान भूकम्प गएपछि धादिङका धेरै ठाउँका बासिन्दा घर बाहिर निस्किएका थिए । भूकम्पको धक्का काठमाडौं उपत्यका लगायत आसपासका जिल्लाहरूमा समेत महसुस गरिएको थियो ।

भूकम्पको क्षतिको विवरण आउन बाँकी छ ।