बिराटनगर । खोटाङ र तेह्रथुममा भएका सवारी सवारी दुर्घटनामा दुई जनाको मृत्यु भएको छ ।
हिजो (बिहीबार) दिउँसो १ बजे खोटाङको खोटेहाङ गाउपालिका-६ कच्चि सडक खण्डमा खोटाङ बजारबाट रसुवातर्फ जादै गरेको ना. ६ त २४६६ नम्बरको ट्याक्टर सडकबाट अन्दाजी ५० मिटर तल झरी दुर्घट्ना भएको थियो ।
उक्त दुर्घटनामा घाईते भएका ट्याक्टर चालक खोटेहाङ- ३ का २३ बर्षीय पवन तामाङलाई उपचारको लागि धरान घोपातर्फ लैजाने क्रममा बाटोमै मृत्यु भएको हो ।
त्यसैगरी, तेह्रथुमको आठराई गाउँपालिका-६ मा बा. ६८ प ५८३८ नम्बरको मोटरसाईकल आफै अनियन्त्रित भई दुर्घटना हुँदा घाईते भएका आठराई- ३ का २५ बर्षीय नबिन थिङलावुको फिदिम अस्पतालतर्फ लादै गर्दा बाटोमा मृत्यु भएको छ ।
उक्त दुर्घटनामा घाईते भएका मोटरसाईकल चालक धरान- १५ का २६ बर्षीय सुरेन्द्र राईलाई सामान्य उपचार पश्चात थप उपचारको लागि धरान तर्फ रेफर गरिएको ईलाका प्रहरी कार्यालय आठराईले जनाएको छ ।
