काठमाडौँ । ओखलढुङ्गाबाट छुटेको बस सिन्धुलीमा दुर्घटना हुँदा घटनास्थलमै निधन भएका सबै जनाको सनाखत भएको छ ।
ओखलढुङ्गाको रुम्जाटारबाट काठमाडौँ तर्फ आउँदै गरेको बा.२.ख ६५९६ नम्बरको बस तीव्र गतिको कारण आफै अनियन्त्रित भई सिन्धुलीको फिक्कल गाउँपालिका-४ कुईभिर सडक भित्तामा आज बिहान ९:१५ बजे ठोक्किन जाँदा दुर्घटना भएको हो ।
सिन्धुली प्रहरी प्रवक्ता डिएसपी चिरञ्जीवी दाहालका अनुसार उक्त दुर्घटनामा तीन महिला र तीन पुरुषको घटनास्थलमै निधन भएको हो । निधन भएकामध्ये एक महिलाको शव बसले च्यापिएको अवस्थामा फेला परेको थियो ।
सहचालक ओखलढुङ्गाको मानेभन्झ्याङ गाउँपालिका-६ बस्ने वर्ष २४ को देव बहादुर सार्की, सोही स्थानका २९ वर्षका पेशल भुजेल, उदयपुरको कटारी नगरपालिका-२ बस्ने अं.३४/३५ की कुमारी क्याप्छाकी मगर, ओखलढुङ्गा सिद्धिचरण नगरपालिका-५ बस्ने वर्ष ३२ की जोशना राई, वर्ष ४० की राधा भुजेल र ओखलढुङ्गाकै चिसंखुगढी गाउँपालिका-४ बस्ने वर्ष २५ को सन्जित राईको निधन भएको डिएसपी दाहालले केटिएम दैनिकलाई बताए ।
बस भित्तामा ठोक्किएकाले बसको देब्रे साइडका यात्रुको मृत्यु भएको स्थानीय गंगाराम पहाडीले जानकारी दिए। भित्तामा बस ठोक्किएर यात्रु चापिएपछि फिक्कल गाउँपालिकाको जेसीभी मेसिनले बस तानेर मृतकका शव तथा घाइतेलाई निकालिएको थियो।
जिल्ला प्रहरी कार्यालय सिन्धुलीका अनुसार बस तीव्र गतिका कारण आफै अनियन्त्रित भई सडकको भित्तामा ठोक्किएको प्रारम्भिक अनुसन्धानबाट खुलेको छ। बस दुर्घटनामा परि मृत्यु भएका पाँच जनालाई ओखलढुङ्गा र एक जनालाई जिल्ला अस्पताल सिन्धुलीमा पोष्टमाटमका लागि पठाइएको प्रहरीले जनाएको छ।
दुर्घटनामा चालकसहित ३० जना घाइते भएका छन् । उनीहरूमध्ये गम्भीर घाइते आठ जनालाई नेपाली सेनाको हेलिकप्टरबाट उद्दार गरेर काठमाडौँ ल्याइएको छ । घाइतेमध्ये एक पुरुषको परिचय खुलेको छैन ।
काभ्रेको पाँचखाल नगरपालिका-१ घर भएका चालक लाल बहादुर तामाङ दाहिने आँखामाथि चोट देखिएको छ । उनको सामुदायिक अस्पताल घुर्मीमा सामान्य उपचार पछि थप उपचारको लागी केएमसी सिनामंगल ल्याइएको प्रहरीले जनाएको छ ।
घाइतेको यात्रुको नामावली
१) जिल्ला ओखलढुङ्गा मोलुङ गाउँपालिका-५ बस्ने वर्ष २० को एकराज तामाङ
२) ऐ. सिद्धिचरण नगरपालिका-४ बस्ने वर्ष तेज कुमार श्रेष्ठ
३) ऐ.वडा न.५ बस्ने वर्ष ३९ को खेम प्र दाहाल
४) ऐ. मानेभन्झ्याङ गाउँपालिका-४ बस्ने वर्ष १२ को पुकार राई
५) ऐ.ऐ.बस्ने वर्ष १८ को अर्पणा राई
६) जिल्ला सोलु जुगु गाउँपालिका- घर बताउने वर्ष २१ की शान्ता सेन्चुरी
७) जिल्ला ओखलढुङ्गा सिद्धिचरण नगरपालिका-१२ बस्ने वर्ष २१ की भानुलक्ष्मी गिरी
८) जिल्ला महोत्तरी रामगोपालपुर नगरपालिका-८ बस्ने वर्ष ४१ को राज किशोर महाराज चमार
९) जिल्ला तनहुँ भिमाद-२ बस्ने वर्ष ३४ को राजेश राना (नेपाली सेनाको स्टाफ) (नेपाल आर्मी ओखलढुङ्गा ब्यारेकमा कार्यरत )
१०) जिल्ला ओखलढुङ्गा मोलुङ गाउँपालिका-६ बस्ने वर्ष ४३ को लोक बहादुर विश्वकर्मा
११) जिल्ला बर्दिया बारा बर्दिया नगरपालिका-५ बस्ने वर्ष ३४ की निरु चौधरी (आर्मीको स्टाफ)
१२) जिल्ला ओखलढुङ्गा माम्खा वडा न.७ बस्ने वर्ष ३८ को एक बहादुर राई
१३) जिल्ला भक्तपुर सुर्यबिनायक नगरपालिका-वडा न.४ बस्ने वर्ष २६ की ज्योति प्रजापति
१४) जिल्ला ललितपुर महालक्ष्मी नगरपालिका-१५ बस्ने वर्ष ४४ को महेश श्रेष्ठ
१५) वतन नखुलेको वर्ष ४२ की शारदा श्रेष्ठ
१६) जिल्ला ओखलढुङ्गा रुम्जाटार नगरपालिका-४ बस्ने वर्ष २६ को धुव भुजेल
१७) ऐ. मानेभङ्ज्याङ नगरपालिका-६ बस्ने वर्ष ३८ को दिपासेर राई
१८) ए.ऐ.७ बस्ने वर्ष १७ को भूपेन्द्र धमला
१९) जिल्ला सिन्धुली फिक्कल गाउँपालिका बस्ने वर्ष ३० को ढुण्डिराज सुनुवार
२०) ऐ.ऐ-१३ बस्ने वर्ष १९ की एलिसा गिरी
२१) ऐ.ऐ -१३ बस्ने वर्ष २५ को प्रदीप सुबेदी
२२) जिल्ला ओखलढुङ्गा मानेभन्झ्याङ नगरपालिका-४ बस्ने वर्ष ५ की दिबिका राई
२३) ऐ.ऐ.बस्ने वर्ष ३ को मिशन राई
२४) जिल्ला सोलु दुधकुण्ड नगरपालिका-बस्ने वर्ष ३५ को लेख ब भुजेल
२५) जिल्ला ओखलढुङ्गा मानेभङ्ज्याङ गाउँपालिका-६ बस्ने वर्ष २४ की श्रीदेवी राई
२६) जिल्ला ओखलढुङ्गा रुम्जाटार नगरपालिका-९ बस्ने वर्ष २० को राजन बस्नेत
२७) जिल्ला सोलु जुगु गाउँपालिका बस्ने शान्ता सेन्चुरीको छोरा वर्ष ३ को सनिम सेन्चुरी (अवस्था गम्भीर)
२८) जिल्ला ओखलढुङ्गा मानेभङज्याङ-६ बस्ने वर्ष २४ की श्रीदेवी राई (अवस्था गम्भीर)
२९) नाम नखुलेको एक पुरुष
