काठमाडौं । काठमाडौंबाट भैरहवाको लागि उडेको श्री एयरलाइन्सको जहाजको इन्जिनमा आगो लागेको छ ।
विमानस्थल स्रोतले दिएको जानकारी अनुसार काठमाडौंबाट उड्नासाथ चालक दलले टावरलाई इन्जिनमा आगो देखिएको भनेर जानकारी गराएका थिए ।
सो जहाजलाई केही समयअगाडि काठमाडौं विमानस्थलमा सुरक्षित अवतरण गराइएको छ । जहाजमा रहेका चालक दलका सदस्य र यात्रुहरू सबै सकुशल रहेको बताइएको छ ।
जहाजमा आगो लागेको सूचना आएपछि विमानस्थलमा उच्च सतर्कता अपनाइएको थियो भने आन्तरिक र अन्तर्राष्ट्रिय उडान केही समय होल्ड गरिएको थियो।