काठमाडौँ । साताको पहिलो कारोबार दिन आइतबार शेयर बजार घटेको छ । आइतबार शेयर कारोबार मापक नेप्से परिसूचक ३०.७७ अङ्कले घटेर १९३८.२५ विन्दुमा पुगेको छ ।
यस्तै, ठुला कम्पनीको सेयर कारोबार मापन गर्ने सेन्सेटिभ परिसूचक ४.८६ अङ्कले घटेर ३६८.७० मा पुगेको छ । आइतबार नेपाल स्टक एक्सचेन्ज (नेप्से)मा कूल २५९ कम्पनीको ३८ लाख ३२ हजार ४५९ कित्ता सेयर खरिद बिक्री हुँदा १ अर्ब ३९ करोड २३ लाख रुपैयाँमाथिको शेयर कारोबार भएको छ ।
त्यस्तै, कारोबारको आधारमा हिमालय डिस्टिलरी शीर्ष स्थानमा छ। यसको ८ करोड ४४ लाखभन्दा बढीको कारोबार भएको छ ।
त्यस्तै दोस्रोमा सुभम पावरको ५ करोड ४८ लाखभन्दा बढीको कारोबार भएको छ । आइतबार सबै उपसूचकहरूको कारोबार रकम घटेको छ ।
आजको कारोबारमा सुभम सिमेन्टको १० प्रतिशतले सेयर मूल्य बढेको छ । यस कम्पनीको लगानीकर्ताले अत्यधिक कमाएका छन् । भने, युनिक लघुवित्त, एनएमबि ५० र एनआईबिएल प्रगति फण्डका लगानीकर्ताले अत्यधिक गुमाएका छन् ।