दाङ । राष्ट्रपति विद्यादेवी भण्डारीले केन्द्रीय आयुर्वेद विद्यापीठ तथा शिक्षण अस्पतालको भवनको उद्घाटन गरेकी छन् ।
नेपाल संस्कृत विश्वविद्यालयको दाङ तुलसीपुरको बेलझुण्डीस्थित आयुर्वेद शिक्षण अस्पतालको नव निर्मित भवनको राष्ट्रपति भण्डारीले एक कार्यक्रमका बीच आज उद्घाटन गरेकी हुन ।
हालै उद्घाटित भवनमा ३ तला र १ सय ८ कोठाहरू छन् । आयुर्वेद विएएम्एस्को पठनपाठन भइरहेको उक्त अस्पतालमा विभिन्न ब्याचका २ सय १५ जना विद्यार्थी अध्ययनरत छन् ।
नेपाल सरकार, विश्वविद्यालय अनुदान आयोगमार्फत प्राप्त अनुदानबाट भवन निर्माण भएको हो ।
०७० असार १७ गते २४ करोड ७२ लाख ८३ हजार लागतमा सुरु भएको उक्त भवन २०७४ असार मसान्तमा निर्माण सम्पन्न भए पनि औपचारिक उद्घाटन भने भएको थिएन ।