दक्षिण अमेरिकी राष्ट्र अर्जेन्टिनाले ३६ वर्षपछि फिफा विश्वकप फुटबलको उपाधि जितेको छ। कतारमा भएको २२औं संस्करणको उपाधि भिडन्तमा फ्रान्सलाई पेनाल्टीमा ४-२ गोलले हराउँदै अर्जेन्टिना विश्वविजेता बनेको हो।
अर्जेन्टिनाले सन् १९८६ मा तत्कालीन वेस्ट जर्मनीलाई हराउँदै विश्वकप जितेयता वर्ल्डकप जित्न सकेको थिएन। समग्रमा अर्जेन्टिनाले तेस्रोपटक विश्वकपको उपाधि जितेको हो। उसले सन् १९७८ मा नेदरल्यान्ड्सलाई हराउँदै पहिलोपटक विश्वकप जितेको थियो।
आइतबार राति कतारको राजधानी दोहास्थित लुसेल स्टेडियममा भएको फाइनल खेलको निर्धारित समय २-२ गोलको बराबरीमा सकिएको थियो।
त्यसपछि अतिरिक्त समयमा धकेलिएको खेलमा दुवै टोलीबाट एक एक गोल भएपछि खेल ट्राइब्रेकरमा गएको थियो । यस खेलमा ह्याट्रिक गोल गरेका एम्बाप्पेले कतार विश्वकपमा आठ गोल पुर्याए।
फ्रान्स तेस्रोपटक विश्वविजेता बन्ने दौडमा थियो। सन् २०१८ को विजेता फ्रान्सले त्यसअघि १९९८ मा विश्वकप जितेको थियो।
एम्बाप्पे फ्रान्सको उपाधि रक्षा अभियानलाई सार्थकता दिन सकेनन्। तर गोल्डेन बुट भने उनैले जिते।
उनले अर्जेन्टिनी कप्तान मेस्सीलाई उछिन्दै गोल्डेन बुट जितेका हुन्। मेस्सीले प्रतियोगिताभरि सात गोल र तीन असिस्ट गरेका थिए।
