राष्ट्रिय स्वतन्त्र पार्टीबाट निर्वाचित सासंद सोविता गौतमले तीन वर्षअगाडि दिएको एक सार्वजनिक अभिव्यक्तिको क्लिप अहिले चर्चामा छ ।
तीन वर्षअगाडि युट्युवमा राखिएको ४७ मिनेट लामो अन्तरवार्ताको सानो क्लिप अहिले सामाजिक सञ्जालमा चर्चा छ । उक्त क्लिपमा गौतमले बलात्कृत भएका महिलाहरूलाई सामान्य रुपमा लिएको भन्दै उनको विरोध भइरहँदा गौतमले यसबारेमा प्रष्ट पारेकी छन् ।
सामाजिक सञ्जाल ट्विटरमा उनले यस विषयमा प्रष्टिकरण दिँदै भनेकी छन्, ‘चार वर्षअघिको त्यो उदाहरण आज मैले पक्कै पनि प्रयोग गर्दिनँ । किनकी, अध्यध्यन र अनुभवले मेरो बुझाइ अहिले परिष्कृत भएको छ । ‘पीडित’ शब्दले पनि हिंसामा पर्नेलाई असर गर्छ भनेर ‘सर्वाइवर’ वा ‘प्रभावित’ शब्द प्रयोग गर्न थालिएको छ । यसरी नै हामीले आफ्नो बुझाइको दायरा फराकिलो बनाउने हो ।’
उनले लेखेकी छन्, ‘यहाँहरुको प्रश्नले मलाई थप संवेदनशील हुन घच्घच्याएको छ । अभिव्यक्तिको आशयभन्दा अन्यथा अर्थ लागेर प्रभावितमाथि पर्न गएको आघातप्रति मलाई खेद छ ।’
यौन हिंसा प्रभावितलाई हीनताबोध गराउनुभन्दा उनीहरुप्रति स्वाभाविक व्यवहार गर्दा मनोवैज्ञानिक आरोग्य र सामाजिक पुनर्स्थापना सहज हुन सक्छ भन्ने मेरो आशय हो ।
त्यस कुरा प्रष्ट पार्न प्रयोग गरेको उदाहरण असंवेदनशील भयो भनेर यहाँहरुले आपत्ति जनाउनुभएको कुरालाई मैले मनन गरेकी छु ।— सोबिता गौतम (@sobita465) December 17, 2022
तर निर्वाचित भइसकेपछि पनि एक अनलाइन सञ्चारमाध्यमसँग गरिएको कुराकानीमा उनले कुनै पनि घट्ना वा बलात्कारको केशमा वुमन इम्पावरमेन्ट भन्दै महिलाहरू माइतीघरमा भेला हुने तर आफ्नो चुनावी प्रचार प्रसारमा कोही पनि भेला नभएको भन्दै गुनासो पोखेकी थिइन् ।
उनको अहिलेको भिडिओले पनि बलात्कारको विषयमा गौतमको बुझाई त्यही नै रहेको कतिपयको आँकलन छ ।
