जाजरकोटमा जीप दुर्घटनामा भएको छ । केहीबेर अघि कर्णाली प्रदेश २००१ च ०४२९ नम्बरको जीप दुर्घटना हुँदा ठूलो मानवीय भएको आशंका गरिएको छ ।
जिल्ला प्रशासन कार्यालय जाजरकोटका प्रशासकीय अधिकृत जनक भण्डारीले केटिएम दैनिकलाई दिएको जानकारी अनुसार मध्यपहाडी सडक खण्ड अन्तर्गत जाजरकोटको छेडागाड नगरपालिका–४ र ५ को बीचमा पर्ने भिरपाटीमा बोलेरो जीप दुर्घटना परेको हो ।
जीप सडकबाट २०० मिटर थल खसेको छ भने घटनाको विवरण आउन बाँकी नै छ । सदरमुकामदेखि लगभग तीनघण्टाको दुरीमा रहेको उक्त स्थानमा प्रहरी निरीक्षकसहितको टोली जिल्लाबाट हिँडेको छ ।
जीपमा १० जना सवार रहेको प्रारम्भिक विवरण आएको भण्डारीले बताए । उनका अनुसार घाइतेको स्थानीयले उद्दार जारी राखेका छन् । अहिले नै कति घाइते र मृतक भन्न सकिने अवस्था छैन ।
टेलिफोन नेटवर्कको समस्याले गर्दा सूचना पाउन गाह्रो भइरहेको उनले बताए । सामाजिक सञ्जालमा सार्वजनिक भएका तस्बिरहरूले भने ठूलो मानवीय क्षतिको भएकोतर्फ लक्षित गरिरहेका छन् ।
