राष्ट्रिय परीक्षा बोर्डले माध्यामिक शिक्षा परीक्षा (एसईई)को नतिजा सार्वजनिक गरेको छ ।
बुधबार अपरान्ह बसेको बोर्ड बैठकको निर्णयअनुसार एसईईको नतिजा सार्वजनिक गरिएको हो । सार्वजनिक नतिजाअनुुसार उच्च जीपीए ल्याउन नौ हजार ६३३ जना रहेका छन् ।
गत ९ वैशाखदेखि सुरु भएको परीक्षामा ११ हजार ६१५ विद्यालयका पाँच लाख १४ हजार ७ ६० जना परीक्षार्थी सहभागी थिएइ । देशभरका दुई हजार ७०० परीक्षा केन्द्रबाट उनीहरुले परीक्षा दिएका थिए ।
कुन ग्रेडमा कति
राष्ट्रिय परीक्षा वोर्डका अनुसार ९ हजार ६३३ जनाले ए प्लस, ४१ हजार ६२७ जनाले ए, ६९ हजार ९०० जनाले बी प्लस, ९० हजार ७५९ जनाले बी, एक लाख १२ हजार ७३३ जनाले सी प्लस, एक लाख ५९४ जनाले सी, ४४ हजार ५८६ जनाले डी प्लस, ती हजार २८० जनाले डी र २२ हजार ६४० जनाले इ ल्याएका हुन् ।
बोर्डको दुबै वेबसाइट www.see.gov.np र www.neb.gov.np बाट, नेपाल टेलिकमको १६०० नम्बरमा एसएमएस गरेर तथा विभिन्न वेबसाइटबाट र विभिन्न सेवाप्रदायक कम्पनीमा एसएमएस गरेर नतिजा हेर्न सकिने बाेर्डले जारी गरेकाे सूचनामा उल्लेख छ।