मोरङ प्रहरी प्रमुख एसपी जनार्दन जिसीले लेटाङमा भएको झडपमा महिला प्रहरीको निधन भएको पुष्टि गरे ।
केटिएम दैनिकसँगको सम्पर्कमा उनले भने ‘उहाँको घाँटीमै छुरा प्रहार भएपछि गम्भीर हुनुभएको थियो। अस्पताल लैजाँदै गर्दा उहाँको मृत्यु हुन पुग्यो । यसबारे हामी अनुसन्धान गर्दैछौं,’
जिसिका अनुसार भिड नियन्त्रणका लागि प्रहरीले हवाइ फायर गर्दा आक्रोशित भिडबाट पेट्रोल बम प्रहार भएको थियो ।
घाँटीमा छुरा प्रहार भएकी महिला प्रहरीलाई शुभकामना अस्पताल मोरङमा बेलुका ८ बजे मृतावस्थामा नै पुर्याइएको थियो । अस्पताल स्रोतका अनुसार पल्स चेक गर्दा उनको निधन भैसकेको थियो ।
निधन भएकी महिला प्रहरीको नाम उर्मिला श्रेष्ठ भएको बताइएको छ । तर प्रहरीले भने उनको नाम पुष्टि गरिसकेको छैन ।
मोरङका प्रमुख जिल्ला अधिकारी काशीराज दाहालले एक घाइते प्रहरी जवान र घाइते आन्दोलनकारी उपचाररत भएको केटिएम दैनिकलाई बताए । उनले घटना राति भएका कारण थप विवरण नआएको बताए ।
