व्लाईन्ड रकर्स सिजन ३ का विजेताहरूलाई आज एक कार्यक्रमका बिच ताज पहिराउने काम सम्पन्न भएको छ ।
कोभिड १९ का कारण भर्चुअल रूपमा घोषणा गरिएको मिस्टर एण्ड मिस व्लाईन्ड रकर्सलाई आज व्लाईन्ड रक्स नामक संस्थाले औपचारिक कार्यक्रम गरी उनीहरूलाई ताज पहिराउने काम सम्पन्न गरेको हो ।
नेपाली मेघा स्टार करिस्मा मानन्धरको प्रमुख आतिथ्यमा सम्पन्न सो कार्यक्रममा अभिनेत्री मानन्धरले व्लाईन्ड रक्सले देशै भरी छरिएर रहेका दिष्टिविहिनको क्षमतालाई संस्थागत गर्न महत्त्वपूर्ण भूमिका निर्वाह गरेको भन्दै यस्तो कार्यक्रममा भाग लिन पाउनु आफ्नो लागि समेत सौभाग्य रहेको बत्ताइन् ।
कार्यक्रममा अभिनेत्री मानन्धरले आँखामा पट्टिबाधेर व्लाईन्ड रक्सका अध्यक्ष सृष्टि केसीले वहाँलाई क्याटवाक गराउँदा कार्यक्रम हल नै तालीले गुञ्जायमान भएको थियो । साथै उनले मलाई पनि अग्रेजिमा वोल्न सिकाइदेऊ न नामक गीत गाएर कार्यक्रममा उपस्थित सम्पुर्ण लाई थप हौसला र ऊर्जा प्रदान गरेकी थिइन् ।
कार्यक्रममा सात प्रदेशबाट छानिएर अन्तिम चरणमा पुगेका २१ जना प्रतिस्पर्धीले क्याटवार्क गरेका थिए । कार्यक्रममा व्लाईन्ड रक्स नामक संस्थाका अध्यक्ष सृष्टि केसीले दिष्टिविहिन तथा अपाङ्गता भएका व्यक्तिहरूलाई समाजले हेर्ने दृष्टिकोणलाई परिवर्तन गर्नको लागि आफूहरूले यस्ता कार्यक्रमको आयोजना गरेको बताउँदै संस्थालाई विभिन्न कोणबाट सघाउनुहुने सबैलाई धन्यवाद दिएकी थिइन् ।
मिस्टर एण्ड मिस व्लाईन्ड रकर्स सिजन ३ को उपाधि सिन्धुपाल्चोकका किरण दाहाल र इलामकी समि लावतीले हात पारेकी थिइन् । कोरोना महामारीले अस्तव्यस्त बनाएको जीवनशैली अनि त्यसले आम मानिसमा ल्याएको नैराश्यलाई चिर्दै व्लाईन्ड रक्स नामक संस्थाले भर्चुअल माध्यमबाट कार्यक्रम सम्पन्न गरेको थियो ।
दिष्टिविहिनको अधिकारका लागि क्रियाशील व्यक्ति डाक्टर वीरेन्द्र राज पोख्रेल , सञ्चारकर्मी माल्भिका सुब्बा र मोडल तथा कोरीयोग्राफर प्रशान्त ताम्राकारको निर्णायकको भूमिका निर्वाह गरेका थिए ।
भाग्य या कर्म के मा विश्वास गर्नुहुन्छ भन्ने प्रश्नमा तार्किक जवाफ दिएर किरण दाहाल १५ हजार नगद सहित मिस्टर व्लाईन्ड रकर्स बनेका थिए भने बम बहादुर विक १० हजार नगद सहित फस्ट रनर अप भएका थिए भने ५ हजार नगद सहित कुशल न्यौपाने सेकेन्ड रनर अप बन्न सफल भएका थिए ।
यसै गरी १५ हजार नगद सहित समि लावतीले मिस व्लाईन्ड रकर्सको उपाधि हात पारेकी थिइन् भने १० हजार नगद सहित श्रुति राना मगर फस्ट रनर अप र ५ हजार नगद सहित रोजिना पोख्रेलले सेकेन्ड रनरअपको उपाधि हात पारेका थिए ।
दिष्टिविहिन तथा अपाङ्गता भएका व्यक्तिहरूको अधिकारको लागि स्थापित
व्लाईन्ड रक्स नामक संस्थाले दिष्टिविहिनलाई समाजमा आर्थिक सामाजिक रूपमा स्थापित गर्ने देखि लिएर उनीहरू भित्र रहेको प्रतिभालाई राष्ट्रिय तथा अन्तर्राष्ट्रिय स्तरसम्म पुर्याउने काम गर्दै आइरहेको छ ।
