गायक प्रकाश सपुतले एक साताअघि ल्याएको आफ्नो नयाँ गीत ‘पिर’ युट्युब च्यानलबाट हटाएका छन् ।
शनिबार साँझसम्म एक सातामै एक करोड ४ लाखभन्दा बढी भ्युज पाएको पूरानो गीतलाई हटाएर दृश्य सम्पादन गरेर पुन अपलोड गरेका छन् ।
नेकपा माओवादीका नेता तथा कार्यकर्ताको चौतर्फी विरोधपछि गायक सपुतले युट्युबबाट गीत हटाउन यसअघि नै पटक पटक दबाब र विज्ञप्ति नै लेखेर निर्देशन दिइएको थियो ।
यद्यपि, एक सातासम्म माओवादी नेता तथा कार्यकर्ताको दबाबलाई बेवास्ता गरेका सपुतले शनिबार साँझ दृश्य सम्पादन गरेर पुनः भिडियो अपलोड गरेका छन् ।
अहिले अपलोड भएको गीतमा यसअगाडि समावेश यौनकर्मीको भाग हटाइएको छ भने अन्य कुराहरू जस्ताको तस्तै राखिएको छ । पहिला अपलोड भएको भिडिओमा श्रीमती तीन महिनासम्म विदेश गएपछि पीर मेटाउन यौनकर्मीकोमा पुगेको भाग हटाइएको हो ।
एक टेलिभिजन च्यानलसँगको अन्तरवार्तामा पनि सपुतले उक्त दृश्यले आफूलाई पनि असहज महसुस भएको बताएका थिए ।