पुर्व प्रधानमन्त्री एवं नेकपा ऐमालेका अध्यक्ष केपी शर्मा ओलीले विश्व स्काउट एशिया प्रशान्त क्षेत्रको सबै भन्दा ठुलो पदक “मेधावी योगदान”, प्राप्त गरेका छन् ।
सोमबार समापन भएको विश्व स्काउट एशिया प्रशान्त क्षेत्रीय सम्मेलनमा, ओलीले नेपाल स्काउटको अभियान विकास, विस्तार र प्रर्बद्धन मार्फत बालबालिका तथा युवाहरुको सर्बपक्षीय विकासमा पुर्याएको योगदानको कदर गर्दै उक्त पदक प्रदान गरिएको नेपाल स्काउटका राष्ट्रिय संयोजक लोक बहादुर भण्डारीले बताए ।
ओली “मेधावी योगदान” पदक प्राप्त गर्ने पहिलो नेपाली हुन् साथै यस बर्ष यो पदक उनलाई मात्र प्रदान गरिएको छ । ओली दुवैपटक प्रधनमन्त्री हुँदा उनले नेपाल स्काउट र यसका गतिबिधिलाई बिशेष चासोको रुपमा लिई, स्काउट अभियानलाई देशै भरी विस्तार गर्न नितिगत तथा आर्थिक हिसाबले सहयोग गरेका थिए ।
नेपाल स्काउट ऐन २०५० ले प्रधानमन्त्रीलाई नेपाल स्काउटको संरक्षक हुने कानुनी व्यवस्था गरेको छ । पुर्व प्रधानमन्त्री ओलीले नेपाल स्काउटको संरक्षको रुपमा गरेको योगदान नेपालमा मात्र नभई विश्व स्काउटमै प्रशंसा योग्य रहेको स्काउट सदस्यहरु बताउँछन् ।
प्रधानमन्त्रीकै रुपमा ओलीले बिभिन्न स्काउट कार्यक्रममा सहभागीता जनाउनुका साथै “बालबालिका संग प्रधानमन्त्री” भन्ने कार्यक्रम नै शुरुवात गरेका थिए ।
ओलीकै पहलमा पछिल्लो समय नेपाल स्काउटको संरचना ७५३ वटै पालिकामा बिस्तार भएकोछ भने देशका सबै बिद्यालयमा स्काउट इकाइ संचालन गर्ने कार्य धमाधम भइरहेको छ ।
यही उपलब्धीलाई ओलीको मुख्य योगदान बताँउदै विश्व स्काउट एशिया प्रशान्त क्षेत्रले “मेधावी योगदान” पदकबाट बिभुषीत गरेको हो ।
