मोरङमा दुई पालिकाहरूमा बर्डफ्लु देखिएपछि कुखुरा र दाना नष्ट गरिएको छ । पशुपन्छी रोग अन्वेषण प्रयोगशाला विराटनगरमा गरिएको परीक्षणमा मोरङको ग्रामथान–१ लखन्तरी र कटहरी–७ बाट कुखुरा र कुखुराको दाना नष्ट गरिएको पशु सेवा विभागले जनाएको छ ।
विभागका अनुसार आठ सय ५० वटा लोकल कुखुर र दुई हजार पाँच सय ५० वटा बोइलर कुखुरा नष्ट गरिएको हो । साथै एक हजार चार सय केजी कुखुराको दानासमेत नष्ट गरिएको विभागले जनाएको छ ।
अहिलेसम्म उक्त स्थानबाट अन्यन्त्र बर्डफ्लू नफैलिएको पनि विभागका महानिर्देशक डाक्टर लेखराज दाहालले बताए ।