नेपाली कांग्रेसका नेता मीनेनद्र रिजालले रक्षा मन्त्रीबाट राजिनामा दिने घोषणा गरेका छन् ।
नेपाली कांग्रेसको १४ औं महाधिवेशनमा संस्थापन इतर समूहबाट महामन्त्रीको उम्मेद्वार बनेका रिजालले ट्विटरमार्फत राजीनामा दिने घोषणा गरेका हुन् । रिजाललाई प्रधानमन्त्री शेरबहादुर देउवाले असोज २२ गते रक्षामन्त्रीमा नियुक्त गरेका थिए ।
अहिले नेपाली कांग्रेसको केन्द्रीय कार्यालय सानेपामा भइरहेको मतगणनामा प्रारम्भिक नतिजामा रिजाल पाँचौ नम्बरमा परेका छन् ।
उनले ट्विटरमा लेखेका छन् “नेपाली काङ्ग्रेसको चौधौं महाधिवेशनमा मैले प्रतिस्पर्धा गरेको महामन्त्री पदको प्रारम्भिक परिणामबाट नै स्पष्टरूपमा प्राप्त सन्देशलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको छु।”
नेपाली काङ्ग्रेसको चौधौं महाधिवेशनमा मैले प्रतिस्पर्धा गरेको महामन्त्री पदको प्रारम्भिक परिणामबाट नै स्पष्टरूपमा प्राप्त सन्देशलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको छु। अन्तिम परिणाम प्राप्त हुनासाथ सम्माननीय प्रधानमन्त्रीसमक्ष राजीनामा पेश गर्नेछु।
— Minendra Rijal (@MinendraRijal) December 16, 2021
रिजालले अन्तिम मतपरिणाम सार्वजनिक भएपछि प्रधानमन्त्री समक्ष राजिनानमा पेश गर्ने समेत बताएका छन् ।
रिजालले मत परिणामको कारण राजिनामा दिने बताएको भएतापनि दोस्रो पटकको सभापति चुनाव अगाडि प्रकाशमान सिंहले देउवालाईसघाएको खण्डमा उनलाई मन्त्रालय दिने आसयका समाचार बाहिरिएका थिए । दोस्रो चरणको सभापतिको चुनावमा प्रकाशमानसिंह, विमलेन्द्र निधि र कल्याण गुरुङले नै सभापतिमा शेर बहादुर देउवालाई समर्थन गरेपछि प्रधानमन्त्री समेत रहेका देउवा दोस्रोपटक सभापति भएका हुन् ।
