एमाले महाधिवेशनमा सहभागी हुन राप्रपा अध्यक्ष कमल थापा चितवन आइपुगेका छन् । उनलाई एमाले नेता देवी ज्ञवाली र रामप्रसाद न्यौपानेले स्वागत गरे ।
राप्रपाका नेतृ रिना गुरुङलगायता नेता कार्यकर्ताहरू पनि कमल थापालाई स्वागतका लागि भरतपुर विमानस्थल आएका थिए ।
एमाले अध्यक्ष केपी ओलीसँग आफ्नो व्यक्तिगत रूपमा सदभाव रहेको बताउँदै थापाले नेतृत्व चयनका सन्दर्भमा भने शुभेच्छा प्रकट गरे । महाधिवेशन उद्घाटनस्थलमा चहलपहल बढेको छ । चितवनका बिभिन्न स्थानबाट जुलुस निस्किएका छन् ।
महाधिवेशन उद्घाटन स्थल नारायणी नदी किनारमा नेता कार्यकर्ता पुग्ने क्रम शुरु भइसकेको छ । एमालेले महाधिवेशन उद्घाटन कार्यक्रममा बिभिन्न जिल्लाबाट ५ लाख कार्यकर्ता उपस्थित हुने दाबी गरेको छ ।
एमालेको १० औं महाधिवेशन आजबाट तीनदिनसम्म चल्नेछ । उद्घाटन नारायणगढस्थित नारायणी नदी किनारमा भएपनि बन्दसत्र भने सौराहामा हुनेछ ।