दसैँ बिदा पछिको दोस्रो कारोबारमा सोमबार अत्यासलाग्दो गिरावट आएको छ। सोमबार ६९.५१ अंकको गिरावट सहित नेप्से परिसूचक २५८७.४५ बिन्दुमा झरेको छ।
दसैँ बिदा पछि खुलेको शेयर बजारले आइतबार आशाको सञ्चार गरे पनि सोमबार बजार खुल्नासाथ गिरावट देखिएको थियो।
आज कारोबार भएका १३ वटै उपसमूहमध्ये १ बाहेक सबै घटेका छन् । व्यापार समूह १८ दशमव ९४ बिन्दूले बढ्दा बाँकी सबै उपसमूहहरू नकरात्मक भएका हुन् ।
बैंकिङ ३८.१३, होटल तथा पर्यटन ८७.९८, विकास बैंक १६६.९५, जलविद्युत् १०२.४२, वित्त ९७.९८, निर्जीवन बीमा ४२७.०७, उत्पादन १७६.९६, अन्य ३३.६२, लघुवित्त १८४.९८, जीवन बीमा ३५८.०१, सामूहिक लगानी कोष ०.२ र लगानी २.18 बिन्दुले ओरालो लागेका हुन् ।
सोमबार लगानीकर्ताहरू ‘फेस्टिभ मुड’ मा भएका कारण कारोबार रकम घटेको अनुमान गरिएको छ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
