पाँच विद्यार्थी संगठनले त्रिभुवन विश्वविद्यालयमा परीक्षा सञ्चालन गर्नुपूर्व सम्पूर्ण विद्यार्थीलाई खोपको व्यवस्था गर्न सरकारसँग माग गरेका छन् ।
सोमबार स्वास्थ्य राज्यमन्त्री उमेश श्रेष्ठलाई ज्ञापनपत्र बुझाउँदै नेपाल विद्यार्थी संघ‚ अखिल (क्रान्तिकारी)‚ अनेरास्ववियू‚ समाजवादी विद्यार्थी युनियन र अखिल छैठौँले देशका सबै परीक्षा केन्द्रमा सम्पूर्ण विद्यार्थीलाई प्रवेश पत्र देखाएर खोप लगाउने व्यवस्था गर्न माग गरेका हुन् ।
आफूहरूले विश्वविद्यालयको जनशक्ति र विद्यार्थीलाई खोप लगाएर तथा स्वास्थ्य मापदण्ड अपनाएर परीक्षा सुचारू गर्न माग गरेको भन्दै परीक्षाअघि सबै विद्यार्थीलाई कोभिड-१९ विरुद्धको खोपको व्यवस्था गर्नुपर्ने माग गरेको नेविसंघका महामन्त्री दिपक भट्टराइले केटिएम दैनिकलाई जानकारी दिए ।
उनले भने, ‘ कोभिडका कारणले विधार्थी वर्ग सबै भन्दा बढी असुरक्षित छन् र हामीले विधार्थी हरूलाई लाई खोपको निम्ति यस अघि नै बारम्बार आग्रह गरिरहेकै छौं, सरकारले सुनिरहेको छैन र अन्तिम पटक भन्दै छौ सम्पूर्ण परीक्षार्थी हरूलाई प्रवेश पत्रका आधारमा खोपको व्यवस्था गर्न अनुरोध गर्दै ज्ञापन पत्र बुझाएका हौं ।’