काठमाडौं । स्वास्थ्य तथा जनसंख्या मन्त्रालयले आगामी परीक्षाहरू स्थगित गर्न शिक्षा शिक्षा,विज्ञान तथा प्रविधि मन्त्रालय र कोभिड– १९ संकट व्यवस्थापन केन्द्र (सीसीएमसी) लाई सीफारीस गरेको छ । यो संगै लाखौ विद्यार्थिहरु मारमा परेका छन् ।
संसदको शिक्षा तथा स्वास्थ्य समितिले परीक्षा सन्दर्भमा सरकारलाई गम्भीर बन्न आग्रह गर्दै आएको थियो । स्वास्थ्य राज्यमन्त्री उमेश श्रेष्ठले कोभिड–१९ संक्रमण फैलिँदै गएको भन्दै शुक्रबार उक्त परीक्षा सार्न सिफारिस गरेको जनाएका छन् ।
स्वास्थ्य राज्यमन्त्री उमेश श्रेष्ठले ट्विटरमार्फत् जानकारी गराउँदै लेखेका छन्, ‘चार लाख विद्यार्थीको जीवनरक्षाप्रति हामी अत्यन्त संवेदनशील छौँ, निकट भविष्यमा हुन लागेका सबै परीक्षा स्थगन गर्न शिक्षा मन्त्रालय र कोभिड– १९ संकट व्यवस्थापन केन्द्रलाई सिफारिस गरेको जानकारी गराउँदछु ।’
हाल करिब चार लाख विद्यार्थी कक्षा १२ को परीक्षाको पर्खाइमा छन् । कक्षा १२ को परीक्षा साउन ३१ गतेबाट सुरु हुने तालिका तय गरीएको छ । यस्तै, स्नातक र स्नातकोत्तर तहको पनि परीक्षा तय गरीएको थियो । सम्भवतः भोली शनिवार बस्ने बोर्डको बैठकमा परीक्षाका विषयमा टुंगो लाग्ने परिक्षा वोर्डले जनाएको छ ।
बोर्डले एउटा कक्षामा कम्तिमा २५ जना विद्यार्थीलाई राखेर सञ्चालन गर्ने योजना बनाएको थियो । तर, स्वास्थ्य मन्त्रालयले पटक पटक भौतिक उपस्थिती सहितको परीक्षा सञ्चालन नगर्न आग्रह गर्दै आएको थियो ।