जातीय विभेदका कारण सञ्चारकर्मी रुपा सुनारलाई कोठा भाडा नदिएको अभियोगमा प्रहरी हिरासतमा पुगेर सरकारी वकिल कार्यालयबाट छुटेकी सरस्वती प्रधानलाई न्याय दिलाउन हस्ताक्षर सुरु गरिएको छ ।
सरस्वती प्रधानको “न्याय” को लागि भन्दै नेवार समाजका अभियन्ताहरुले आज बसन्तपुरको हनुमान ढोकामा हस्ताक्षर सङ्कलन गरेका छन् ।
हिजो ललितपुरको मंगलबजारस्थित महारानी पोखरी अगाडि स्थानीय नेवार समुदायले जातीय भेदभावमार्फत द्वन्द्व फैलाउने कार्य बन्द गर्न हस्ताक्षर अभियान सुरु गरेका थिए ।‘प्रधानलाई न्याय दिलाऊँ’ भन्दै सेतो कपडामा हस्ताक्षर सङ्कलन (अभियान) कार्यक्रम शनिवार बिहान साढे ९ बजेबाट थालिएको हो ।
असार १२ गते ललितपुरमा, असार १३ गते (आज) बसन्तपुरमा र असार १४ गते भोलि भक्तपुर र कीर्तिपुरमा हस्ताक्षर सङ्कलन गरी सम्बन्धित निकायमा बुझाउने अभियान्ताहरुले बताएका छन् । रुपा सुनारले सुनारले योजना बनाएर प्रधानलाई फसाएको उनीहरूको तर्क छ ।
हस्ताक्षर सङ्कलन सकिएपछि रुपा सुनार विरुद्ध जालसाजी र मानहानी को मुद्दा हाल्ने तयारी रहेको उनीहरूले बताए ।
आफ्नो घर/सम्पत्तिमा आफ्नो अधिकार संविधान सम्मत रहेकोमा रुपा सुनारले सुनियोजित प्रोपोगन्डा झिकी घरभेटी फसाएको ले उनी विरुद्ध मुद्दा हाल्ने तयारी उक्त समाजले गरिरहेको छ
