आजकल सोसल मिडियामा भिडिओको बाढी आएको छ। फेसबुक र इन्स्टाग्राम रचनात्मक भिडिओहरूले भरिएका छन् र युट्युबको मामला पनि त्यस्तै छ। हामीले युट्युबमा सबै भन्दा धेरै भिडिओहरु पाउँछौै। कुनै भिडिओहरु हामीलाई यति मन पर्छ कि हामी त्यसलाई डाउनलोड गरेर आफ्नो फोन, ल्यापटपमा राख्न चाहन्छौै ।
युट्युबमा भिडिओ कसरी सेभ गर्ने ?
आज हामी तपाईंहरुलाई युट्युबबाट भिडियोहरू कसरी डाउनलोड गर्ने भनेर टिप्स शेयर गर्दैछौं । यद्यपि युट्युबले अनलाइन भएको समयमा भिडिओहरू डाउनलोड गरेर उक्त भिडिओहरू अफलाइन हेर्न सुविधा दिएको छ । तर यो सुविधा धेरै भिडिओहरूमा उपलब्ध छैन।
यदि तपाईँ यस तरिकाले भिडिओहरू डाउनलोड गर्न चाहनुहुन्छ भने, पहिले स्मार्टफोनमा युट्युब एप खोल्नुहोस् र तपाईँले डाउनलोड गर्न चाहनुभएको भिडिओमा जानुहोस्। डाउनलोड बटन पनि भिडियोको साथ लाइक र सेयर बटनको साथ देखा पर्नेछ, यसमा क्लिक गरेर तपाईँ भिडियो डाउनलोड गर्न सक्नुहुनेछ। यस तरिकाले डाउनलोड गरिएका भिडिओहरू लाइब्रेरीमा हेर्न सकिन्छ।
स्मार्टफोनमा युट्युब भिडिओ डाउनलोड गर्ने तरिका
यदि तपाईँ फोनमा सिधै भिडिओ डाउनलोड गर्न चाहनुहुन्छ भने, यसको लागि तपाईँले Snaptube, नामक एपको सहयोग लिनुपर्नेछ। यसको लागि पहिले एप स्टोरबाट यो एप डाउनलोड गर्नुहोस्। आफूले डाउनलोड गर्न खोजेको युट्युब भिडिओको लिङ्क कपि गरेर उक्त एपमा पेस्ट गरेपछि डाउनलोड गर्ने सुविधा प्राप्त हुन्छ । यस्तै अन्य विभिन्न एपहरू पनि छन् ।
ल्यापटपमा कसरी डाउनलोड गर्ने
यदि तपाईँ आफ्नो ल्यापटप वा कम्प्युटरमा युट्युब भिडिओ डाउनलोड गर्न चाहनुहुन्छ भने पनि कुनै अर्को वेबसाइटको सहयोग लिनु पर्नेछ। त्यसको लागि SaveFrom.net सहज हुनसक्छ । पहिले तपाईँले भिडियोको लिङ्क कपि गरेर त्यहाँ पेस्ट गर्नुपर्छ । यो वेबसाइटबाट भिडिओ को गुणस्तर को लागी धेरै विकल्पहरू उपलब्ध छन् ।
