हिन्दुहरूको बाहुल्यता रहेको मुलुकमा हिन्दु धर्मका मान्यताहरूलाई समेत मानिन्छ। व्यापार व्यवसाय गर्नेहरूले लक्ष्मीको पूजाआजा गर्छन्।
लक्ष्मी मातालाई खुसी बनाउनका लागि प्रत्येक साता उनको पूजाआजा गर्न सकिने हिन्दु धर्मशास्त्रमा लेखिएको छ।
प्रत्येक दिन कुनै न कुनै भगवान्लाई मानिन्छ। जस्तो सोमबारका दिन शिव, मङ्गलवारका दिन हनुमान मानेजस्तै शुक्रवार लक्ष्मी मातालाई मानिन्छ।
भक्तहरू लक्ष्मीको उपवास र पूजापाठ गर्छन्। लक्ष्मीको कृपा परे मानिसमा दुःखहरूको निवारण हुने र धनको कहिले कमी नहुने विश्वास गरिन्छ। यसका साथै लक्ष्मी माताको आशीर्वाद भक्तहरूमा सधैँ परिरहन्छ।
शास्त्रका अनुसार यदि तपाईँ लक्ष्मी मातालाई प्रसन्न तुल्याउन चाहनुहुन्छ भने शुक्रबारको रात यी ५ कामहरु गर्नुपर्छ
शुक्रवार राति लक्ष्मी माताको पूजा गर्दा भगवान् विष्णुको पनि पूजा गर्न आवश्यक छ । तपाईँ श्रीयन्त्र वा अष्टलक्ष्मीको तस्बिर पनि स्थापना गर्न सक्नुहुन्छ। यसपछि कपूरको आरती गर्ने र घरभरि नै कपुर जलाउनुपर्छ यसले नकारात्मकता समाप्त हुन्छ।
यसपछि कपुरलाई तुलसीसँग राखिदिनुहोस् । यसो गर्दा लक्ष्मीका साथै भगवान् विष्णुको पनि आशीर्वाद मिल्नेछ।
शुक्रवार राति घरमा खीर बनाउन आवश्यक छ र यो सबै परिवारले ग्रहण गर्नुपर्छ। यदि तपाईँको घरमा कुमारी कन्या छिन् भने सबैभन्दा पहिले उसैलाई खीर खुवाउनुस् यसो गर्दा तपाईँलाई चाँडै शुभ फल मिल्नेछ। यसो गर्दा घरको आर्थिक स्थिति सही हुने र धनसँग सम्बन्धित समस्या पनि टाढा भाग्नेछ ।
शुक्रवार राति लक्ष्मी स्तोत्र वा कनक धारा स्तोत्र पनि श्रद्धापूर्वक पाठ गर्नुस्, लाभदायक मानिन्छ। यो पाठ गर्दा सुख समृद्धि पाइने बताइन्छ । यसका साथै नोकरी वा व्यवसायसँग सम्बन्धित समस्या पनि टाढा भाग्नेछ।
विष्णु पुराणमा लक्ष्मी स्तोत्रका बारे बताइएको छ कि एक समय देवताका राज वैभव लुटिएको थियो । यही स्तोत्र पाठ गरेपछि सम्पूर्ण वैभव र राजपाटसमेत पुनः प्राप्ति भएको थियो।
सोही कनक धारा स्तोत्रमा भनिएको छ कि शंकराचार्यले यसको पाठ गरेर धनको वर्षा गराएका थिए । त्यसैले यसको पाठ गर्न धेरै मङ्गलदायी मानिन्छ ।
शुक्रवार राति खुला आकाशमुनि चन्द्रमा र पूर्वजको ध्यान गर्नुपर्छ र उनलाई आफ्नो समस्याका बारेमा बताउनुहोस्। यसो गरेमा उनीहरूको आशीर्वाद तपाईँउपर हमेसा बन्ने हिन्दु धर्मशास्त्रमा विश्वास गरिन्छ।
पितृ दोष समाप्त हुने र जीवनमा जे पनि बाधा आउँछ ती सबै टाढा भाग्नेछ र तपाईँलाई मानसिक बल मिल्नेछ। सामान्यतया रातको समयमा सुगन्ध लगाउनुहुँदैन भनिन्छ, तर शुक्र बाह्रको दिन माता लक्ष्मी र शुक्र ग्रहसँग सम्बन्धित हुन्छ।
शुक्र ग्रह श्रृंगारप्रिय मानिन्छ, यसैले रातमा सुगन्ध अर्थात् परफ्यूम लगाउनुस् । क्योरा र गुलाबको सुगन्ध तपाईँका लागि शुभ हुन्छ।
साथै तपाईँको सिरानीको मुनि पनि सुगन्धित पदार्थ राख्न सक्नुहुन्छ, यसो गर्दा तपाईँलाई आन्तरिक रूपमा सकारात्मक ऊर्जा आउँछ र परिवारमा पनि यसको असर पर्छ।
यदि तपाईँ तकियाको मुनि राख्न असमर्थ हुनुहुन्छ भने तपाईँ रोमा मैनबत्ती वा खुश्वुवाला मैनबत्ती पनि घरमा जलाउन सक्नुहुन्छ।
लक्ष्मी माताको कृपाले धनको कमी नहुने जनविश्वास हो। वास्तविक लक्ष्मी प्राप्तिका लागि चाहिँ सत्कर्म नै उत्तम माध्यम हो।
भएको धन सम्पत्तिको राम्रो व्यवस्थापन, व्यवसाय वा कामप्रति लगाव, इमानदारिता, मेहनत लगायतले समेत लक्ष्मी खुसी हुन्छिन्। जसबाट धर्न आर्जन गर्न सकिन्छ।
