पूर्व सचिव भीम उपाध्यायले अरूबाट रकम उठाएर समाजसेवा गर्नेहरूलाई पाखण्डीपन भएको बताएका छन् ।
पछिल्लो समयमा नेपालमा समाजसेवा गर्नेहरू अरूबाट पैसा मागेर समाजसेवा गरिरहेका छन् । यिनीहरू समाजसेवी नभएर बिचको दलाल भएको उनी बताउँछन् ।
सामाजिक सञ्जाल फेसबुकमा उपाध्याय लेख्छन् “लुटेर समाजसेवा गर्छु भन्नेहरूले मागेर समाजसेवा हुँदैन भन्नु जतिको पाखण्डीपन अरू हुँदैन। विश्वभरि दानले नै समाज सेवा हुने गरेका हुन्छन्। सबै प्रमुख धर्मावलम्बीहरूले दान दिने गरेका छन्- हिन्दुमा दान, इस्लाममा जकात र इसाईमा च्यारिटी भनिन्छ। ”
देशको सत्ता कब्जा गरेर समाजसेवा गर्नुपर्छ भन्ने स्कूलिंगका कारण मुलुक अहिले लुटेराको अमरापुरी भएको उनको बुझाई छ ।
यस्तो छ उपाध्यायको स्ट्याटस
लुटेर समाजसेवा गर्छु भन्नेहरूले मागेर समाजसेवा हुँदैन भन्नु जतिको पाखण्डीपन अरू हुँदैन। विश्वभरि दानले नै समाज सेवा हुने गरेका हुन्छन्। सबै प्रमुख धर्मावलम्बीहरूले दान दिने गरेका छन्- हिन्दुमा दान, इस्लाममा जकात र इसाईमा च्यारिटी भनिन्छ।
हिन्दु समाजमा दान भनेको मागेको हैन, आफ्नो इच्छाले मनको आध्यात्मिक खुसी र आनन्दका लागि चढाएको प्रसाद हुन्छ। जसलाई सुसंस्कार के हो थाहा हुँदैन, ती समाजसेवीसँग थर्कमान र त्रसित हुने गर्छन्। ती त फटाहा चुसाहा शिरोमणिका चेला हुन्छन्। अरूको कामका कारण आफ्नो सिंहासन डगमगाउन लागेको देखेर त्यस्ता लुटेराहरू बरबराउनु स्वाभाविक हो। जसले प्रत्यक्ष समाजसेवा गरेका छैनन् ती राजनीतिका लागि नालायक मान्नुपर्छ। देशको सत्ता कब्जा गरेर समाजसेवा गर्नुपर्छ भन्ने स्कूलिंगका कारण मुलुक अहिले क्रमशः लुटेराको ‘अमरापुरी’ बनिसकेको हो।
