काठमाडौँ- देशमा विकसित पछिल्लो घटनाक्रम र समसामयिक राजनीतिक विषयमा छलफल गर्न प्रधानमन्त्री बालेन्द्र शाहको उपस्थितिमा मधेसवादी दलहरूसँग उच्चस्तरीय बैठक सुरु भएको छ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी उक्त बैठकमा देशको विद्यमान परिस्थिति, सुरक्षा अवस्था तथा मधेस क्षेत्रका समसामयिक मुद्दाहरूका विषयमा गहन छलफल भइरहेको छ।
बैठकमा मधेस केन्द्रित राजनीतिक दलका शीर्ष नेताहरू तथा मधेस पृष्ठभूमि भएका विभिन्न पार्टीका जनप्रतिनिधिहरूको बाक्लो सहभागिता रहेको छ।
बैठकमा जनमत पार्टी अध्यक्ष डा. सी.के. राउत, जनता समाजवादी पार्टी संरक्षक महन्थ ठाकुर र नेता शरतसिंह भण्डारी, राष्ट्रिय मुक्ति पार्टी नेपाल अध्यक्ष राजेन्द्र महतो, आम जनता पार्टी:अध्यक्ष प्रभु शाह, नेकपा (एमाले) नेताहरू लालबाबु राउत, रामकुमार शर्मा र समिम मियाँ अन्सारी, राष्ट्रिय स्वतन्त्र पार्टी सांसद अमरेश कुमार सिंह, जयकान्त राउतलगायत सहभागी छन्।
छलफलमा देशमा शान्ति सुरक्षा कायम गर्ने, जनताका असन्तुष्टि सम्बोधन गर्ने र राजनीतिक सहमति खोज्ने विषयमा विचार-विमर्श भइरहेको बुझिएको छ।
