काठमाडौँ -नेपाली कांग्रेसका सभापति गगनकुमार थापाले वर्तमान सरकारसँग मिलेर काम गर्न चाहेको बताएका छन् ।
सुनसरीकाे कोशी गाउँपालिका–१ सिटीहलमा आज नेपाली कांग्रेस केन्द्रीय प्रशिक्षण प्रतिष्ठानले आयोजना गरेको कोशी प्रदेशस्तरी जरा अभियान कार्यक्रमलाई सम्बोधन गर्दै उनले सो कुरा बताएका हुन् ।
नागरिकको जनजीविकासहित विभिन्न मुद्दामा कांग्रेसले सरकारसँग छलफल, संवाद गरेर कार्य गर्न चाहेको उनको भनाइ थियो ।
सरकारले सञ्चालन गरेको संविधान संशोधनको बहसमा कांग्रेसको चित्त नबुझेको भन्दै संविधान संशोधन परिपक्व ढंगले अगाडि बढाउनुपर्नेमा सभापति थापाले सुझाव दिए ।
कार्यक्रममा उपसभापति विश्वप्रकाश शर्माले कांग्रेसका नेतृत्व र पार्टीबाट सरकारी पदधारण गरेको व्यक्तिबीच समन्वय आवश्यक रहेको बताए ।
कार्यक्रममा महामन्त्री गुरुराज घिमिरेले कांग्रेस एक ढिक्का भएर अगाडि बढेको र यसलाई सबैको साझा कांग्रेस बनाउनका लागि सबैलाई आह्वान गरे । उनले पार्टीभित्र रहेका गुटबन्दी अन्त्य भएको समेत बताए ।
