काठमाडौँ– राष्ट्रिय स्वतन्त्र पार्टी (रास्वपा)ले उपसभामुखमा राष्ट्रिय प्रजातन्त्र पार्टी (राप्रपा)लाई सघाउने भएको छ।
सभामुखमा रास्वपाका उपसभापति डोलप्रसाद अर्यालय निर्विरोध निर्वाचित भएपछि उपसभामुख फरक दल बनाउनुपर्ने संवैधानिक बाध्यताअनुसार रास्वपाले राप्रपालाई सघाउने भएको हो।
यसअघि रास्वपाले नेपाली कम्युनिस्ट पार्टी (नेकपा)लाई पनि सघाउने गरी छलफल भएको थियो। तर अन्तत: रास्वपाले राप्रपलाई सघाउने भएको छ।
राप्रपाले सरस्वती लामालाई उपसभामुखको उम्मेदवार बनाउने भएको छ। उनी समानुपातिकबाट सांसद बनेकी हुन् भने बुद्धिमान तामाङकी श्रीमती हुन्।
उपसभामुखमा श्रम संस्कृति पार्टीले पनि उम्मेदवारी दिने तयारी गरेको छ।
कांग्रेस, एमालेले र नेकपाले उम्मेदवारी दिने वा नदिने भन्ने हालसम्म प्रष्ट हुन सकेका छैनन्। रास्वपाले सघाउने भएसँगै उपसभामुखमा लामा निश्चित जस्तै भएको छ।
