नुवाकोट- निर्वाचन तयारीसम्बन्धी विषयमा स्थलगत निरीक्षण तथा अनुगमनका लागि गृहमन्त्री ओम प्रकाश अर्याल र गृहसचिव राजकुमार श्रेष्ठसहितको टोली नुवाकोट पुगेको छ।
टोलीले सो क्रममा मुख्य निर्वाचन अधिकृतको कार्यालयमा अनुगमन तथा छलफल गरेको छ। छलफलमा जिल्लास्थित सबै सुरक्षा निकायका प्रमुखहरूको सहभागिता रहेको थियो।
अनुगमन तथा छलफलका क्रममा गृहमन्त्री र गृहसचिवले स्वतन्त्र, निष्पक्ष र धाँधलीरहित निर्वाचनको प्रत्याभूति दिन सरकार पूर्ण रूपमा प्रतिबद्ध रहेको स्पष्ट पारे। निर्वाचनलाई शान्तिपूर्ण र विश्वसनीय बनाउन सुरक्षा व्यवस्थासहित सबै आवश्यक तयारी प्रभावकारी रूपमा अघि बढाइने पनि उनीहरूले बताए।
