काठमाडौँ । राष्ट्रिय स्वतन्त्र पार्टीका वरिष्ठ नेता बालेन साहले औद्योगिक क्षेत्रलाई राज्यले प्राथमिकताका साथ जोगाउन र विकास गर्नुपर्ने बताएका छन्।
उदयपुर जिल्लामा आयोजित राजनीतिक कार्यक्रममा सहभागी हुँदै उनले उदयपुर सिमेन्टजस्ता सार्वजनिक महत्वका उद्योगहरू राष्ट्रिय अर्थतन्त्रका आधार स्तम्भ भएको धारणा राखेका हुन्।
उनका अनुसार उद्योगको सुदृढीकरणले रोजगारी सिर्जना, राष्ट्रिय आम्दानी वृद्धि र समग्र आर्थिक स्थायित्वमा प्रत्यक्ष योगदान पुर्याउँछ। त्यसैले दीर्घकालीन आर्थिक समृद्धिका लागि राज्य स्वयंले यस्ता उद्योगको संरक्षण, प्रवर्द्धन र प्रभावकारी सञ्चालन सुनिश्चित गर्नुपर्ने आवश्यकता रहेको उनले उल्लेख गरेका छन्।
राष्ट्रिय स्वतन्त्र पार्टीले उनलाई भावी प्रधानमन्त्रीको उम्मेदवारका रूपमा अघि सारेसँगै साह हाल देशका विभिन्न भागमा पुगेर राजनीतिक तथा आर्थिक एजेन्डाबारे आफ्ना धारणा सार्वजनिक गरिरहेका छन्।
