काठमाडौँ । नेपाली काँग्रेसले केन्द्रीय कार्यालयको कार्यवाहक मुख्यसचिवको जिम्मेवारी सचिव कृष्णप्रसाद दुलाललाई दिएको छ।
सभापति गगन थापाले मुख्यसचिव कृष्णप्रसाद पौडेलले माघ ८ गते दिएको राजीनामा स्वीकृत गरी दुलाललाई कार्यवाहक मुख्यसचिवको जिम्मेवारी तोकेका हुन्।
पौडेल २०७३ वैशाख २७ गतेदेखि मुख्यसचिव पदमा थिए। पौडेललाई सभापति थापाले धन्यवादसमेत दिएका छन्।
सभापति थापाले पार्टी विधान, २०१७ (संशोधन सहित) को धारा २५ (१०), नेपाली काँग्रेसको नियमावली, २०७६ को नियम ४६ (ग) तथा नेपाली काँग्रेस कर्मचारी विनियमावली, २०७९ को नियम १४ (क) बमोजिम अर्को व्यवस्था नहुन्जेलसम्मका लागि केन्द्रीय कार्यालयका सचिव दुलाललाई कार्यवाहक मुख्य सचिवको जिम्मेवारी तोकेको सचिव प्रकाश शर्माको भनाइ छ।
