काठमाडौँ। नेपाली काँग्रेसका महामन्त्री गगन थापा विशेष महाधिवेशन स्थल भृकुटीमण्डप आइपुगेका छन्। विशेष महाधिवेशनको औपचारिक उद्घाटन गर्नको लागि महामन्त्री थापा आएका आएका हुन्।
उद्घाटन सभामा जानुअघि थापाले आमाबुबासँग आशीर्वाद लिएका थिए। उनले लेखेका छन्, ‘यहाँहरूको माया अनि आमाबुबाको आशीर्वाद लिएर आउँदै छु ।’
महामन्त्री थापा र अर्का महामन्त्री विश्वप्रकाश शर्माको अगुवाइमा आह्वान भएको थियो । कार्यक्रमस्थल भृकुटीमण्डपमा विभिन्न ठाउँबाट बाजागाजासहित जुलुसहरू आउने क्रम जारी छ।
कार्यक्रम स्थल अहिले भरिभराउ देखिन थालेको छ । प्रतिनिधिहरूले ‘अब पालो गगन-विश्व युग’ को भन्दै नारा लगाइरहेका छन्।
