काठमाडौँ । आगामी २१ फागुनमा हुने प्रतिनिधिसभा निर्वाचनका लागि नेकपा एमालेका अध्यक्ष केपी शर्मा ओलीको नाम झापा क्षेत्र नम्बर ५ बाट एकल सिफारिस भएको छ ।
शनिबार बसेको नेकपा एमाले झापा निर्वाचन क्षेत्र नम्बर ५ को बैठकले आगामी निर्वाचनमा प्रत्यक्षतर्फ उम्मेदवारको रूपमा ओलीको एकल नाम सिफारिस भएको हो ।
ओली यसअघि २०७४ र २०७९ सालको निर्वाचनमा पनि झापा-५ बाट उम्मेदवार बनेर निर्वाचित भएका थिए । झापामा ५ वटा निर्वाचन क्षेत्र रहेको छ ।
