काठमाडौँ । नेकपा एमालेले कात्तिक १५ गते सचिवालय बैठक बोलाएको छ । बैठक स्थल भने तय भएको छैन ।
केन्द्रीय कार्यालय स्रोतका अनुसार पोखरामा मङ्सिर २७-२९ गते आयोजना हुने ११ औँ महाधिवेशनको तयारीमा बैठक केन्द्रित हुनेछ । महाधिवेशन प्रतिनिधि चयनको मोडालिटीसहित व्यवस्थापन र निर्वाचन तालिका बैठकको एजेन्डा रहेको स्रोतले जनाएको छ ।
यसपटक महाधिवेशन प्रतिनिधि घटाइने भएको छ । चितवनको सौराहामा सम्पन्न १० औँ महाधिवेशनमा १८ सय प्रतिनिधि थिए ।
आयोजक सहित २१ सयको सहभागिता थियो । यसपटक १२ सय हाराहारीमा आयोजकसहित प्रतिनिधि चयनको विधि सचिवालय बैठकले तय गर्ने पार्टी केन्द्रीय कार्यालय स्रोतले बताएको छ ।
