काठमाडौँ । जेन जेड आन्दोलनको क्रममा प्रहरीको गोली लागेर निकिता गौतमको निधन भएको छ ।
मंगलवार गौशालामा आफू बस्ने घरको छतमा उभिएर आन्दोलन हेरिरहेको अवस्थामा प्रहरीको गोली लागेर निधन भएको उनको साथी सन्जिता चौलागाईंले बताएकी छन्।
आफ्नो इमान्दार र अनुशासित विद्यार्थीको गोली लागेर मृत्यु भएको सुन्दा निकै दुःख लागेको साथी सन्जिताले बताइन् ।
छाती र घाँटीमा गोली लागेर ढलेकी निकितालाई तुरुन्तै फ्रन्ट लाइन हस्पिटल पुरानो बानेश्वर पुर्याउँदा मृत्यु भइसकेको जानकारी दियो । आज भने लासलाई पोस्टमार्टमको लागि टिचिङ हस्पिटल लगिएको र पालो आएपछि अस्पतालले पोस्टमार्टम गर्ने कुरा गरेको निकिताको काकी एलिना घिमिरे गौतमले बताएकी छन् ।
कठोर शैलीमा प्रहरीले गोली चलाएर घरमा रहेकी छोरीको निधन भएपछि आमा पटक पटक बेहोस भएर समाल्न गाह्रो भएको बताएकी छन्। यस घटनाको छानबिन गरी दोषीलाई कारबाहीको माग समेत उनले गरेकी छिन्।