प्रथम भेलोसिटी अन्तर विद्यालय फुट्सल प्रतियोगिता – २०८२ को प्रेस मिट भेलोसिटी स्कुलको सभाकक्षमा भाद्र १६ गते सम्पन्न भएको छ। भाद्र २१ र २२ गते हुने यस प्रतियोगितामा उपत्यकाका १६ वटा विद्यालय सहभागी हुँदैछन्।
प्रतियोगितामा द भेलोसिटी स्कुल, नव ज्ञान पाठशाला, फेरील्याण्ड इन्टरनेश्नल स्कुल, प्रारम्भ एकेडेमी, मेरिडियन इन्टरनेश्नल स्कुल, खृष्टियन कम्युनिटी स्कुल, ग्रीनविच एकेडेमी, श्रीयन्त्र एजुकेशनल फाउन्डेशन, पुष्पलाल मेमोरियल स्कुल, ब्रह्मकुञ्ज शिक्षा सदन, बाल बाटिका स्कुल, मिनील्याण्ड स्कुल, स्वस्तीश्री गुरुकुल, विद्यावाणी पाठशाला, हाइल्याण्ड स्कुल र अक्षरा स्कुलले प्रतिस्पर्धा गर्नेछन्।
प्रतियोगिताका संयोजक सुप्रभ घिमिरेले “खेलमार्फत आपसी एकता र सकारात्मक ऊर्जा प्रवर्द्धन” गर्ने उद्देश्यले यो प्रतियोगिता आयोजना गरिएको जानकारी दिए। प्रतियोगिताका सम्पूर्ण खेलहरू हर हर महादेव इभेन्ट्स एन्ड स्पोर्ट्समा सञ्चालन हुनेछन्।
यस प्रतियोगितालाई सफल बनाउन लावण्य इन्टरनेश्नल, वेद इन्ग्रेल्स, मेरो कोडिङ, कारखाना साइन्स, ओएसिस पब्लिकेसन, कुमार बेकरी, दैनिक सुपर मार्ट, मर्सील्यान्ड प्रेस, बुलेट टेलर्स र गौतम स्टेशनरीले प्रायोजन गरेका छन्।
