काठमाडौँ। नेपाल मजदुर किसान पार्टी (नेमकिपा)ले भूमिसम्बन्धी केही नेपाल ऐन संशोधन विधेयक फिर्ता लिन माग गरेको छ ।
दलित भूमिहीन सुकुम्वासीको नाममा अव्यवस्थित बसोबासीलाई जग्गा बाँड्न खोजिएको नेमकिपाका सांसद प्रेम सुवालले बताए ।
शुक्रबार प्रतिनिधि सभाको बैठकमा विधेयकमाथिको छलफलमा भाग लिँदै सांसद सुवालले विधेयक फिर्ता लिएर फेरि छलफल चलाउन माग गरे ।
‘यो विधेयक फिर्ता गरौँ र खास समस्या पहिचान गरेर ऐन बनाऔँ’ उनले भने ।
