काठमाडौं- प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले पार्टी एकताबद्ध भएको दावी गरेका छन् ।
सोमबार स्थायी समतिति बैठकमा सम्बोधन गर्दै उनले भने, ‘पार्टी एकताबद्ध भएको छ । सामुहिक प्रतिबद्धता गरेका छौँ ।’
प्रचण्डले जनताकोमा बीचमा जाने समेत घोषणा गरेका छन् । उनले माओवादीलाई एकतावद्ध गर्ने चुनौतीलाई जिम्मेवारीपूर्वक पूरा गरेको बताए । प्रचण्डले भने, ‘लोकतान्त्रिक गणतन्त्रको सुदृढीकरणको निम्ति माओवादीलाई एकतावद्ध गर्ने चुनौती थियो । त्यो चुनौतीलाई जिम्मेवारीपूर्वक पूरा गर्यौं । सामुहिक प्रतिवद्धता गरेका छौं । सबैखाले गुटबन्दी समूहवद्धताको अन्त्य गर्ने संकल्प सामुहिक रूपमा गरेका छौं ।’ फेरि एकचोटि जनतामा गएर देशमा देखापरेका विसंगतिविरुद्ध आन्दोलन गर्ने निर्णय गरिएको उनले बताए ।
