काठमाडौं । नेपाली कांग्रेसको १५औँ महाधिवेशनअन्तर्गत खुला सहमहामन्त्री पदका लागि अजबाबु शिवाकोटीले उम्मेदवारी दर्ता गराएका छन् ।
शिवाकोटीले मंगलबार पार्टीको महाधिवेशन निर्वाचन समितिमा पुगेर खुला सहमहामन्त्री पदमा आफ्नो उम्मेदवारी दर्ता गराएका हुन् ।
कांग्रेसको नयाँ नेतृत्व चयनका लागि उम्मेदवारी दर्ता प्रक्रिया चलिरहेका बेला शिवाकोटीले पनि सहमहामन्त्री पदमा उम्मेदवारी दिएका हुन् । महाधिवेशनबाट सभापति, उपसभापति, महामन्त्री, सहमहामन्त्रीलगायत विभिन्न पदमा नयाँ नेतृत्व चयन हुनेछ।
शिवाकोटीको उम्मेदवारीसँगै खुला सहमहामन्त्री पदमा प्रतिस्पर्धा थप रोचक बनेको छ।
