काठमाडौं । नेपाली कांग्रेसको १५औँ महाधिवेशनका लागि आज मतदाता नामावली सार्वजनिक गरिँदैछ । निर्वाचन समितिका अनुसार साँझ ५ बजे मतदाताको प्रारम्भिक नामावली प्रकाशन गरिनेछ ।
प्रकाशित नामावलीमाथि दाबी–विरोधका लागि साँझ ५ बजेदेखि ६ः३० बजेसम्मको समय निर्धारण गरिएको छ । प्राप्त दाबी–विरोधमाथि जाँचबुझ गरी टुंगो लगाउन ६ः३० देखि ७ः३० बजेसम्मको समय तोकिएको छ ।
जाँचबुझपछि राति ८ः३० बजे अन्तिम मतदाता नामावली सार्वजनिक गरिने निर्वाचन समितिले जनाएको छ ।
महाधिवेशनका लागि मंगलबार बिहान उम्मेदवारी मनोनयन दर्ता हुनेछ भने मतदान बिहीबार बिहानदेखि सुरु हुने कार्यतालिका छ ।
