जनकपुरधाम। नेपाली कांग्रेसका नेता रामसरोज यादवले सभापति गगनकुमार थापालाई ‘ग्याङ्स्टर’ भन्ने नेताहरूको अभिव्यक्तिप्रति आपत्ति जनाएका छन्।
जनकपुरधाम उपमहानगर अधिवेशनलाई सम्बोधन गर्दै यादवले नाम नलिई कांग्रेसका एक पूर्वउपसभापतिलाई लक्षित गर्दै पछिल्ला अभिव्यक्ति ‘बौखलाहट’ र ‘नैतिकताविहीन’ भएको बताए। ‘विनाश आउने बेलामा बुद्धि बिग्रिन्छ, हाम्रा यहाँका नेता त्यही नियतिको सिकार भएका छन्,’ उनले भने।
टिकट लिने बेला थापालाई ‘मेरो नेता र भावी प्रधानमन्त्री’ भन्नेहरू अहिले उनैलाई गाली गरिरहेको भन्दै यादवले राजनीतिक नैतिकतामाथि प्रश्न उठाए। डिजिटल युगमा नेताहरूका विगत र वर्तमानका अभिव्यक्ति लुक्न नसक्ने उल्लेख गर्दै उनले सार्वजनिक मञ्चमा अमर्यादित भाषा प्रयोग नगर्न आग्रह गरे।
यादवले पुरानो पुस्ताका नेताहरूले युवा पुस्ताका लागि ठाउँ खाली गर्नुपर्ने बताए।
