काठमाडौँ। राष्ट्रिय स्वतन्त्र पार्टी (रास्वपा)को बागमती प्रदेशको सभापतिमा उत्सव अर्याल निर्वाचित भएका छन् ।
यसअघि सभापति रहेका डा. अच्युत लामिछानेसहित तीन जना उम्मेदवारलाई पराजित गर्दै अर्याल निर्वाचित भएका हुन् । निर्वाचनको अन्तिम मतपरिणाम अनुसार अर्यालले ४१६ मत प्राप्त गरी विजयी हासिल गरेका छन् भने उनका निकटतम प्रतिद्वन्द्वी डा. लामिछानेले ४१४ मत प्राप्त गरे ।
प्रदेश नेतृत्वका लागि सुरुमा ५ जनाको उम्मेदवारी परेको थियो । तर, सांसद बदन भण्डारीले उम्मेदवारी फिर्ता लिएपछि ४ जना चुनावी मैदानमा उत्रिएका थिए ।
सभापतिका लागि सांसद एवम् निवर्तमान सभापति डा. अच्युतम लामिछाने (नुवाकोट), निवर्तमान प्रवक्ता उत्सव अर्याल (मकवानपुर), कृष्णमान श्रेष्ठ (धादिङ)र हरि बहादुर खत्री (रामेछाप) बिच प्रतिस्पर्धा भएको थियो ।
