काठमाडौं- प्रहरीले श्रमसंस्कृति पार्टीका अध्यक्ष धरान उपमहानगरपालिका-१८ निवासी हर्कराज राईलाई कारबाही गरेको छ।
प्रहरीले लापरवाही साथ सवारी चलाएको आरोपमा प्रतिनिधिसभाका सांसदसमेत रहेका राईमाथि कारबाही गरेको हो ।
‘सामाजिक सञ्जालमार्फत् ट्राफिक नियम पालना नगरी सवारी चलाएको सम्बन्धमा प्राप्त जनगुनासोका आधारमा माननीय हर्कराज राईलाई आवश्यक कानूनी कारबाही गरिसकेको जानकारी गराइन्छ’, प्रहरीले भनेको छ।
यसका साथै, यस्ता ट्राफिक नियमविपरीत गतिविधि नगर्न-नगराउन सम्पूर्ण चालक, सहचालक तथा यात्रुलाई सचेत र जिम्मेवार बन्न पनि प्रहरीले अनुरोध गरेको छ।
के भएको थियो ?
श्रम संस्कृति पार्टीक राई गत जेठ २२ गते दुर्घटनामा घाइते भएका छन्। हेल्मेटको फिता नबाँधी मोटरसाइकल कुदाउँदै भ्लगिङ गरिरहेका उनी दुर्घटनामा परेका थिए ।
प्रधानमन्त्री वालेन्द्र शाहमाथि निरन्तर आक्रमक भइरहने उनी लापरबाहीपूर्वक बाइक चलाउँदा दुर्घटनामा पर्दा हातसहितमा चोट लागेको थियो । लापरबाहीपूर्वक सवारी चलाइरहेको भिडियो सार्वजनिक भएसँँगै हर्कमाथि कारबाही हुनुपर्ने माग रास्वपा र बालेन समर्थकले चर्काएका थिए ।
