काठमाडौँ।नेपाली कांग्रेसका सचेतक निश्कल राईले प्रतिनिधिसभा कार्यसञ्चालन नियमावली समितिमै फिर्ता पठाउन माग गरेका छन् । प्रतिनिधिसभाको आकस्मिक समयमा बोल्दै राईले नियमावलीलाई संविधान र कानुन विपरीत विशेष कानुन बनाउने प्रावधान राखिएको भन्दै फिर्ता पठाउन माग गरेका हुन् ।
उनले नियमावली संसद् बैठकमा टेबुल नगर्न माग गरेका छन् । ‘नियमावलीमा विवादित ऐनहरू बाझिएका छन् । अन्य कानुनले छुनै नसक्ने कसरी हुन्छ ? नियम टेवल नगरेर समितिमा पठाइयोस् । पुनर्लेखन गरेर ल्याइयोस्,’ राईले भने ।
